hai 'munir' teri nigaah mein — Muneer Niyazi

royaa thaa kaun kaun mujhe kuchh khabar nahin
main us ghaDi vatan se kai miil duur thaa

aao tum hi karo masihaai
ab bahalti nahin hai tanhaai

meri saari zindagi ko be-samar us ne kiyaa
umr meri thi magar us ko basar us ne kiyaa

sukhan mein sahl nahin jaan nikaal kar rakhnaa
ye zindagi hai hamaari sambhaal kar rakhnaa

jis ko milnaa nahin phir us se mohabbat kaisi
sochtaa jaaun magar dil mein basaae jaaun

tum ham-safar hue to hui zindagi aziiz
mujh mein to zindagi kaa koi hausla na thaa