taalib-e-dast-e-havas aur kai daaman the — Mustafa Zaidi

is tarah hosh ganvaanaa bhi koi baat nahin
aur yuun hosh se rahne mein bhi naadaani hai

gham-e-dauraan ne bhi sikhe gham-e-jaanaan ke chalan
vahi sochi hui chaalein vahi be-saakhta-pan

koi ham-nafas nahin hai koi raaz-daan nahin hai
faqat ek dil thaa apnaa so vo mehrbaan nahin hai

utraa thaa jis pe baab-e-hayaa kaa varaq varaq
bistar ke ek ek shikan ki sharik thi

ham ne to luT ke mohabbat ki rivaayat rakh li
un se to pochhiye vo kis liye pachhtaate rahe

aandhi chali to naqsh-e-kaf-e-paa nahin milaa
dil jis se mil gayaa vo dobaaraa nahin milaa