yuun daad vo dete hain vafaa ki — Naseem Bharat Puri

dil ki shaamat aai jaa kar phans gayaa
yaar ke gesu-e-pur-kham kyaa karein

— Naseem Bharat Puri

ye but qismat ke puure haT ke puure dhun ke puure hain
koi in mein se ho vaade kaa puuraa ho nahin saktaa

— Naseem Bharat Puri

aap ki mahfil-e-ishrat ko na chhoDaa khaali
main agar aa na sakaa meri shikaayat aai

— Naseem Bharat Puri

dil bhalaa aashiqon ke paas kahaan
aap hi chin-chaan lete hain

— Naseem Bharat Puri

mai-kade ke qarib ham vaaiz
teri zid se makaan lete hain

— Naseem Bharat Puri

tasalliyaan bhi nahin un ki chheD se khaali
rulaa ke chhoDte hain vo hansaa hansaa ke mujhe

— Naseem Bharat Puri

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

taazgi hai sukhan-e-kuhna mein ye baad-e-vafaat
log aksar mire jiine kaa gumaan rakhte hain

— Imam Bakhsh Nasikh

apni kashti kaa hai khudaa haafiz
pichhe tufaan hai saamne girdaab

— Meer Mehdi Majrooh

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

— Qateel Shifai

kuchh to majburiyaan rahi hongi
yuun koi bevafaa nahin hotaa

— Bashir Badr

ye jafaaon ki sazaa hai ki tamaashaai hai tu
ye vafaaon ki sazaa hai ki pae-daar huun main

— Hamid Mukhtar Hamid