dil ki shaamat aai jaa kar phans gayaa — Naseem Bharat Puri

apni mahfil mein mujhe dekh ke kahtaa hai vo but
kyuun mire ghar mein musalmaan chale aate hain

sahni bhi jafaa un ki karni bhi vafaa un se
un ki bhi khushi karni dil kaa bhi kahaa karnaa

bosa bhi mujhe denaa honTon mein bhi kuchh kahnaa
jiine ki davaa denaa marne ki duaa karnaa

charaagh-e-shaam-e-gharibi thaa main zamaane mein
kisi ne aa ke na ThanDaa kiyaa jalaa ke mujhe

har-vaqt ki zid buri hai dekho
kahnaa bhi kiyaa karo kisi kaa

tasalliyaan bhi nahin un ki chheD se khaali
rulaa ke chhoDte hain vo hansaa hansaa ke mujhe

jab ki pahlu se yaar uThtaa hai
dard be-ikhtiyaar uThtaa hai

log logon se dosti kar ke
kitnaa saste mein bech dete hain

ye mere saathi hain pyaare saathi magar inhein bhi nahin gavaaraa
main apni vahshat ke maqbare se nai tamannaa ke khvaab dekhun

ai adam ke musaafiro hoshiyaar
raah mein zindagi khaDi hogi

tamaam vahm o gumaan hai to ham bhi dhoka hain
isi khayaal se duniyaa ko main ne pyaar kiyaa

tiraa visaal baDi chiiz hai magar ai dost
visaal ko miri duniyaa-e-aarzu na banaa