din mein to kah rahi thi ki tum mere sher ho — Nashtar Amrohvi

durgat bane hai chaae mein biscuit ki jis tarah
shaadi ke baa'd logo vahi meraa haal hai

khaa kar ye haal ho gayaa hotel ki roTiyaan
jaise ki haDDiyon pe manDhi meri khaal hai

us ne thaane mein rapaT kuchh aisi likhvaai ki bas
phir police ne ki miri aisi paziraai ki bas

bachchon se munh ko moD ke begam to so gaiin
su-su har ik ko main ne karaayaa tamaam raat

vo motiyon se daant vo lambe siyaah baal
naqli thaa saaraa maal pata chal gayaa mujhe

do chaar manzilon hi pe saansein ukhaD gaiin
ghuTnon pe hai zavaal pata chal gayaa mujhe

jhaankte raat ke garebaan se
ham ne sau aaftaab dekhe hain

shor din ko nahin sone detaa
shab ko sannaaTaa jagaa detaa hai

raushni ho rahi hai kuchh mahsus
kyaa shab aakhir tamaam ko pahunchi

bahut hasin raat hai magar tum to so rahe ho
nikal ke kamre se ik nazar chaandni to dekho

dil mein na ho jurat to mohabbat nahin milti
khairaat mein itni baDi daulat nahin milti

ghubaar-e-shahr mein use na DhunD jo khizaan ki shab
havaa ki raah se milaa, havaa ki raah par gayaa