durgat bane hai chaae mein biscuit ki jis tarah — Nashtar Amrohvi

khaa kar ye haal ho gayaa hotel ki roTiyaan
jaise ki haDDiyon pe manDhi meri khaal hai

us ne thaane mein rapaT kuchh aisi likhvaai ki bas
phir police ne ki miri aisi paziraai ki bas

bachchon se munh ko moD ke begam to so gaiin
su-su har ik ko main ne karaayaa tamaam raat

vo motiyon se daant vo lambe siyaah baal
naqli thaa saaraa maal pata chal gayaa mujhe

din mein to kah rahi thi ki tum mere sher ho
aur us ke baa'd ullu banaayaa tamaam raat

do chaar manzilon hi pe saansein ukhaD gaiin
ghuTnon pe hai zavaal pata chal gayaa mujhe

gham hai na ab khushi hai na ummid hai na yaas
sab se najaat paae zamaane guzar gae

nahin nahin main bahut khush rahaa huun tere baghair
yaqin kar ki ye haalat abhi abhi hui hai

khushi kaa ek hi lamha thaa apni zindagi mein
sakhi aise ki vo bhi dusron ke naam kar aae

sab ko qudrat thi khush-kalaami par
khaamushi mein zabaan-daraaz thaa main

ai chaman vaalo chaman mein yuun guzaaraa chaahiye
baaghbaan bhi khush rahe raazi rahe sayyaad bhi

aaj bahut din baa'd main apne kamre tak aa niklaa thaa
juun hi darvaaza kholaa hai us ki khushbu aai hai