vaar har ek mire zakhm kaa haamil aayaa — Nazar Javed

zinda rahne ke taqaazon ne mujhe maar diyaa
sar pe 'jaaved' ajab ahd-e-masaail aayaa

— Nazar Javed

apne hone ki arzaani khatm hui
mushkil se ye tan-aasaani khatm hui

— Nazar Javed

miTTi ki aavaaz suni jab miTTi ne
saanson ki sab khinchaa-taani khatm hui

— Nazar Javed

ye to ai 'jaaved' guzre mausamon ki raakh hai
aakhirash kyaa DhunDhtaa hai tu khas-o-khaashaak main

— Nazar Javed

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa

— Siraj Aurangabadi

koi saaghar pe saaghar pi rahaa hai koi tishna hai
murattab is tarah aain-e-mai-khaana nahin hotaa

— Haneef Akhgar

tumhaari yaad nikalti nahin mire dil se
nasha chhalaktaa nahin hai sharaab se baahar

— Faheem Shanas Kazmi