yaqin un ke vaade pe laanaa paDegaa — Nisar Yaar Jang Mizaj

lazzat-e-dard-e-mohabbat jo numaayaan ho jaae
har farishte ko ye hasrat ho ki insaan ho jaae

— Nisar Yaar Jang Mizaj

itnaa to mujhe yaad hai kuchh us ne kahaa thaa
kyaa us ne kahaa thaa ye mujhe yaad nahin hai

— Nisar Yaar Jang Mizaj

ek parda saa hai fareb-e-nazar
ye bhi uTThe to dekhnaa kyaa hai

— Soz Hoshiarpuri

yaar main itnaa bhukaa huun
dhokaa bhi khaa letaa huun

— Aks Samastipuri

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

— Qateel Shifai

kuchh to majburiyaan rahi hongi
yuun koi bevafaa nahin hotaa

— Bashir Badr

ye husn-e-dil-fareb ye aalam shabaab kaa
goyaa chhalak rahaa hai piyaala sharaab kaa

— Asar Sahbai