aap ko devtaa samajhtaa thaa — Paraveen Rai

khaamoshi mein rahne vaale logon ko
sannaaTe ki guunj sunaai deti hai

puchh kar kaun dil dukhaataa hai
haadse kab bataa ke hote hain

pahle zakhmon se ham navaaze gae
phir dilaasa diyaa gayaa ham ko

yuun samajhiye ghazal mukammal hai
jab mohabbat baghal mein baiThi ho

us se hi to chalte hain kaarobaar gulshan ke
vo hi raat-raani hai vo hi gul-hazaara hai

adhure rah gae ham is liye bhi
koi ham ko mukammal chaahiye thaa