shauq-e-manzil mujhe yuun le ke uDaa — Raghib Dehlvi

qatron se samundar kaa banaanaa nahin mushkil
qatre mein samundar ko samone ki adaa siikh

ye sab maah-o-anjum mire vaaste hain
magar is zamin par main qaid-e-jahaan huun

ab dil mein aarzu-e-chaman hi nahin rahi
qisse sune jo ham ne qafas mein bahaar ke

agar chaltaa sahaaron par hi 'raaghib'
to chalne ke kabhi qaabil na hotaa

aur baDh jaataa hai dil mein mire shauq-e-manzil
jab pareshaan si ye gard-e-safar hoti hai

baiThegaa to ruk jaaegi ye gardish-e-dauraan
tu khuun ki tarah jism mein phirne ki adaa siikh

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

der tak mil ke rote rahe raah mein
un se baDhtaa huaa faaslaa aur main

naqsh-e-qadam hain raah mein farhaad-o-qais ke
ai ishq khinch kar mujhe laayaa idhar kahaan