Raghib Dehlvi

ab dil mein aarzu-e-chaman hi nahin rahi
qisse sune jo ham ne qafas mein bahaar ke

ye sab maah-o-anjum mire vaaste hain
magar is zamin par main qaid-e-jahaan huun

shauq-e-manzil mujhe yuun le ke uDaa
khaar dekhe na rahguzar dekhi

agar chaltaa sahaaron par hi 'raaghib'
to chalne ke kabhi qaabil na hotaa

aur baDh jaataa hai dil mein mire shauq-e-manzil
jab pareshaan si ye gard-e-safar hoti hai

baiThegaa to ruk jaaegi ye gardish-e-dauraan
tu khuun ki tarah jism mein phirne ki adaa siikh

qatron se samundar kaa banaanaa nahin mushkil
qatre mein samundar ko samone ki adaa siikh

khayaal-o-vahm hai manzil yahaan mili hai kise
chalaa hai jo bhi usi rahguzar mein rahtaa hai