mana karte ho abas yaaro aaj — Rangin Saadat Yaar Khan

vo na aae to tu hi chal 'rangin'
is mein kyaa teri shaan jaati hai

zulm ki Tahni kabhi phalti nahin
naav kaaghaz ki kahin chalti nahin

baadal aae hain ghir gulaal ke laal
kuchh kisi kaa nahin kisi ko khayaal

jhuTaa kabhi na jhuTaa hove
jhuTe ke aage sachchaa rove

hai ye duniyaa jaa-e-ibrat khaak se insaan ki
ban gae kitne subu kitne hi paimaane hue

paa-bos-e-yaar ki hamein hasrat hai ai nasim
aahista aaiyo tu hamaare mazaar par

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

jab ki pahlu se yaar uThtaa hai
dard be-ikhtiyaar uThtaa hai

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram