zarā jo ham ne unheñ aaj mehrbāñ dekhā — Riyaz Khairabadi

hindostāñ meñ dhuum hai kis kī zabān kī
vo kaun hai 'riyāz' ko jo jāntā nahīñ

muflisoñ kī zindagī kā zikr kyā
muflisī kī maut bhī achchhī nahīñ

ye kam-baḳht ik jahān-e-ārzū hai
na ho koī hamārā dil ho ham huuñ

itnī pī hai ki ba.ad-e-tauba bhī
be-piye be-ḳhudī sī rahtī hai

aisī hī intizār meñ lazzat agar na ho
to do ghaḌī firāq meñ apnī basar na ho

haa.e zanjīr-shikan vo kashish-e-fasl-e-bahār
aur zindāñ se nikalnā tire dīvāne kā

sau sau umīdeñ bañdhtī hai ik ik nigāh par
mujh ko na aise pyaar se dekhā kare koī

dil nā-umīd to nahīñ nākām hī to hai
lambī hai ġham kī shaam magar shaam hī to hai

kabhī kisī ko mukammal jahāñ nahīñ miltā
kahīñ zamīn kahīñ āsmāñ nahīñ miltā

na būjho āsmāñ par tum sitāre
hamārī aah kī chingāriyāñ haiñ

rahī na tāqat-e-guftār aur agar ho bhī
to kis umiid pe kahiye ki aarzū kyā hai

yahī hai zindagī kuchh ḳhvāb chand ummīdeñ
inhīñ khilaunoñ se tum bhī bahal sako to chalo