dushmani peD par nahin ugti — Sabir Badr Jaafrii

jaan bhi saath chhoD deti hai
ye sabaq zindagi se miltaa hai

yuun to milne ko log milte hain
dil magar kam kisi se miltaa hai

jab ki pahlu se yaar uThtaa hai
dard be-ikhtiyaar uThtaa hai

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

jo ghair the vo isi baat par hamaare hue
ki ham se dost bahut be-khabar hamaare hue