hosh aayaa to kahin kuchh bhi na thaa — Safiya Shamim

jis ko dil se lagaa ke rakkhaa thaa
vo khazaana luTaa gae aansu

dasht gulzaar huaa jaataa hai
kyaa yahaan ahl-e-vafaa baiThe the

ronaa mujhe khizaan kaa nahin kuchh magar 'shamim'
is kaa gila hai aai chaman mein bahaar kyuun

honaa hai dard-e-ishq se gar lazzat-aashnaa
dil ko kharaab-e-talkhi-e-hijraan to kijiye

bahaar-e-nau ki phir hai aamad aamad
chaman ujDaa koi phir ham-nafas kyaa