pahli si lazzatein nahin ab dard-e-ishq mein — Sehr Ishqabadi

husn kaa har khayaal raushan hai
ishq kaa muddaaa kise maalum

— Sehr Ishqabadi

guzarne ko to guzre jaa rahe hain raah-e-hasti se
magar hai kaarvaan apnaa na mir-e-kaarvaan apnaa

— Sehr Ishqabadi

aah kartaa huun to aati hai palaT kar ye sadaa
aashiqon ke vaaste baab-e-asar khultaa nahin

— Sehr Ishqabadi

vo dard hai ki dard saraapaa banaa diyaa
main vo mariz huun jise iisaa bhi chhoD de

— Sehr Ishqabadi

ek ham hain raat bhar karvaT badalte hi kaTi
ek vo hain din chaDhe tak jin kaa dar khultaa nahin

— Sehr Ishqabadi

teri jafaa vafaa sahi meri vafaa jafaa sahi
khuun kisi kaa bhi nahin to ye bataa hai kyaa shafaq

— Sehr Ishqabadi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif