ek ham hain raat bhar karvaT badalte hi kaTi — Sehr Ishqabadi

husn kaa har khayaal raushan hai
ishq kaa muddaaa kise maalum

guzarne ko to guzre jaa rahe hain raah-e-hasti se
magar hai kaarvaan apnaa na mir-e-kaarvaan apnaa

pahli si lazzatein nahin ab dard-e-ishq mein
kyuun dil ko main ne zulm kaa khugar banaa diyaa

aah kartaa huun to aati hai palaT kar ye sadaa
aashiqon ke vaaste baab-e-asar khultaa nahin

vo dard hai ki dard saraapaa banaa diyaa
main vo mariz huun jise iisaa bhi chhoD de

teri jafaa vafaa sahi meri vafaa jafaa sahi
khuun kisi kaa bhi nahin to ye bataa hai kyaa shafaq

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

achchhaa 'amal samajh ke jo dariyaa mein Daal diin
dil kartaa hai vo nekiyaan paani se khinch luun

dal-badal jitne hain kahte hain ye siina taane
ham hain 'ghaalib' ke taraf-daar chanaa jor garam

aankh se aankh jab nahin milti
dil se dil ham-kalaam hotaa hai

kab kiyaa thaa is dil par husn ne karam itnaa
mehrbaan aur is darja kab thaa aasmaan apnaa