kaTti hai aarzu ke sahaare pe zindagi — Shaad Aarfi

jab chali apnon ki gardan par chali
chuum luun munh aap ki talvaar kaa

— Shaad Aarfi

jahaan-e-dard mein insaaniyat ke naate se
koi bayaan kare meri daastaan hogi

— Shaad Aarfi

shaikh par haath uThaane ke nahin ham qaael
haath uThaane ki jo Thaani hai to baatil se uThaa

— Shaad Aarfi

ab unhein tashrif laanaa chaahiye
raat mein likhti hai raani raat ki

— Shaad Aarfi

kahin fitrat badal sakti hai naamon ke badalne se
janaab-e-shaikh ko main barhaman kah duun to kyaa hogaa

— Shaad Aarfi

dekh kar shaair ne us ko nukta-e-hikmat kahaa
aur be-soche zamaane ne use ''aurat'' kahaa

— Shaad Aarfi

kam-umri mein sunet hain
mar jaate hain achchhe log

— Malikzada Javed

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi ke bahut qarib na jaa
faasla kuchh to apne dhyaan mein rakh

— Akmal Imaam

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal