tum salaamat raho qayaamat tak — Shaad Aarfi

jab chali apnon ki gardan par chali
chuum luun munh aap ki talvaar kaa

jahaan-e-dard mein insaaniyat ke naate se
koi bayaan kare meri daastaan hogi

shaikh par haath uThaane ke nahin ham qaael
haath uThaane ki jo Thaani hai to baatil se uThaa

ab unhein tashrif laanaa chaahiye
raat mein likhti hai raani raat ki

kahin fitrat badal sakti hai naamon ke badalne se
janaab-e-shaikh ko main barhaman kah duun to kyaa hogaa

dekh kar shaair ne us ko nukta-e-hikmat kahaa
aur be-soche zamaane ne use ''aurat'' kahaa