jaagtaa huun main ek akelaa duniyaa soti hai — Shahryar

dil mein rakhtaa hai na palkon pe biThaataa hai mujhe
phir bhi ik shakhs mein kyaa kyaa nazar aataa hai mujhe

— Shahryar

chal chal ke thak gayaa hai ki manzil nahin koi
kyuun vaqt ek moD pe Thahraa huaa saa hai

— Shahryar

zabaan mili bhi to kis vaqt be-zabaanon ko
sunaane ke liye jab koi daastaan na rahi

— Shahryar

safar kaa nashsha chaDhaa hai to kyuun utar jaae
maza to jab hai koi lauT ke na ghar jaae

— Shahryar

har taraf apne ko bikhraa paaoge
aainon ko toD ke pachhtaaoge

— Shahryar

bataaun kis tarah ahbaab ko aankhein jo aisi hain
ki kal palkon se TuuTi niind ki kirchein sameTin hain

— Shahryar

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

kis ko fursat thi ki 'akhtar' dekhtaa meri taraf
main jahaan jis bazm mein jab tak rahaa tanhaa rahaa

— Akhtar Saeed Khan

tum se mile to khud se ziyaada
tum ko akelaa paayaa ham ne

— Irfan Siddiqi

main akelaa huun tu bhi tanhaa hai
ham bhi kitne hain be-sahaare dekh

— Sabir Adeeb

tanhaa rahne mein bhi koi uzr nahin hai
lekin us ke saath hi tanhaa rah saktaa huun

— Zafar Iqbal

jo dil ne kahi lab pe kahaan aai hai dekho
ab mahfil yaaraan mein bhi tanhaai hai dekho

— Zehra Nigaah