sochaa thaa lauT aaegaa apnaa samajh ke vo — Shahzan Khan Shahzan

zindagi puchh na baiThe tire baare mein kahin
teri tasvir banaate hue Dar lagtaa hai

— Shahzan Khan Shahzan

hanste hue chehron se hamein hoti hai vahshat
ham log udaasi ke shajar DhunD rahe hain

— Shahzan Khan Shahzan

mujh ko sukun mein dekh ke hairat na ho tujhe
ye soch ke main zakhm koi sil nahin rahaa

— Shahzan Khan Shahzan

jab tu hi dekhne ko mayassar nahin hamein
aankhon ko rakh na dein kahin baahar nikaal ke

— Shahzan Khan Shahzan

bas is khayaal se kahin duniyaa na dekh le
likh kar tumhaaraa naam miTaanaa paDaa hamein

— Shahzan Khan Shahzan

vo khiDki ab aur kisi ko takti hai
main ne bhi us gali mein jaanaa chhoD diyaa

— Shahzan Khan Shahzan

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

us ke rukhsaar pe hai aur tire honT pe til
tilmilaane ki ijaazat nahin di jaaegi

— Inayat Ali Khan

maango samundaron se na saahil ki bhiik tum
haan fikr o fan ke vaaste gahraai maang lo

— Hasan Najmi Sikandarpuri

gulaabon ke honTon pe lab rakh rahaa huun
use der tak sochnaa chaahtaa huun

— Zubair Rizvi

tere bin hayaat ki soch bhi gunaah thi
ham qarib-e-jaan tiraa hisaar dekhte rahe

— Quaiser Khalid