maatam-e-marg-e-tamannaa na samajh ai naadaan — Shauq Asar Rampuri

abhi farq hai aadmi aadmi mein
abhi duur hai aadmi aadmi se

— Shauq Asar Rampuri

shagufta phuul jo dekhe to 'shauq' yaad aayaa
diye the daagh bhi gulshan ne be-shumaar mujhe

— Shauq Asar Rampuri

mire khayaal ki vusat mein hain hazaar chaman
kahaan kahaan se nikaalegi ye bahaar mujhe

— Shauq Asar Rampuri

vo gham ho yaa alam ho dard ho yaa aalam-e-vahshat
use apnaa samajh ai zindagi jo tere kaam aae

— Shauq Asar Rampuri

bataa nasib-e-nasheman main kyaa duaa maangun
jo aasmaan ki taraf raushni nazar aae

— Shauq Asar Rampuri

aaj tak dair-o-haram mein tegh hi chalti rahi
laakh ham-rindon ne chaahaa shisha-o-saaghar chalein

— Shauq Asar Rampuri

kam-umri mein sunet hain
mar jaate hain achchhe log

— Malikzada Javed

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

zindagi ke bahut qarib na jaa
faasla kuchh to apne dhyaan mein rakh

— Akmal Imaam

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz