kaun kis kaa gham khaae kaun kis ko bahlaae — Sufi Ghulam Mustafa Tabassum

jaane kis ki thi khataa yaad nahin
ham hue kaise judaa yaad nahin

— Sufi Ghulam Mustafa Tabassum

main tohfa le ke aayaa huun tamannaaon ke phulon kaa
luTaane ko bahaar-e-zindagaani le ke aayaa huun

— Sufi Ghulam Mustafa Tabassum

dilon kaa zikr hi kyaa hai milein milein na milein
nazar milaao nazar se nazar ki baat karo

— Sufi Ghulam Mustafa Tabassum

sau baar chaman mahkaa sau baar bahaar aai
duniyaa ki vahi raunaq dil ki vahi tanhaai

— Sufi Ghulam Mustafa Tabassum

is aalam-e-viraan mein kyaa anjuman-aaraai
do roz ki mahfil hai ik umr ki tanhaai

— Sufi Ghulam Mustafa Tabassum

ik faqat yaad hai jaanaa un kaa
aur kuchh is ke sivaa yaad nahin

— Sufi Ghulam Mustafa Tabassum

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi