din kaTaa jis tarah kaTaa lekin — Syed Mohammad Asar

pahle sau baar idhar udhar dekhaa
tab tujhe Dar ke ik nazar dekhaa

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

mire to phuul bhi tum ho sabaa bhi khushbu bhi
nahin ho tum to nahin mere kaam kaa mausam

aaj ki raat hai bahut bhaari
aaj ki raat bas guzar jaae

kuchh aisaa dhuaan hai ki ghuTTi jaati hain saansein
is raat ke baa'd aaoge shaayad na kabhi yaad