apni nazrein hain apne chehre pe — Syed Saba Wasti

nishaana chuuk bhi jaae bharosa choT khaataa hai
koi bhi vaar samjho to kabhi khaali nahin jaataa

raat se hone lagi hai haae ghabraahaT mujhe
chaunk uThtaa huun jo aae niind ki aahaT mujhe

dil se khelaa hai khilaunon ne bahut
ham khilaunon ke khilaune nikle

jal ke parvaana jahaan raakh bane
sham' ki aur vahaan saakh bane

nazar ik zaaviye ki tarjumaan hai
ye jo taskhir-e-manzar hai gumaan hai