nazar ik zaaviye ki tarjumaan hai — Syed Saba Wasti

nishaana chuuk bhi jaae bharosa choT khaataa hai
koi bhi vaar samjho to kabhi khaali nahin jaataa

raat se hone lagi hai haae ghabraahaT mujhe
chaunk uThtaa huun jo aae niind ki aahaT mujhe

apni nazrein hain apne chehre pe
koi apne sivaa nahin rahtaa

dil se khelaa hai khilaunon ne bahut
ham khilaunon ke khilaune nikle

jal ke parvaana jahaan raakh bane
sham' ki aur vahaan saakh bane

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gham hai na ab khushi hai na ummid hai na yaas
sab se najaat paae zamaane guzar gae

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa