dil se khelaa hai khilaunon ne bahut — Syed Saba Wasti

nishaana chuuk bhi jaae bharosa choT khaataa hai
koi bhi vaar samjho to kabhi khaali nahin jaataa

raat se hone lagi hai haae ghabraahaT mujhe
chaunk uThtaa huun jo aae niind ki aahaT mujhe

apni nazrein hain apne chehre pe
koi apne sivaa nahin rahtaa

jal ke parvaana jahaan raakh bane
sham' ki aur vahaan saakh bane

nazar ik zaaviye ki tarjumaan hai
ye jo taskhir-e-manzar hai gumaan hai

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

ummid o yaas ki rut aati jaati rahti hai
magar yaqin kaa mausam nahin badaltaa hai