balaa ki husn-var hai 'arshiyaa-haq' — Syeda Arshia Haq

tum bhi aakhir ho mard kyaa jaano
ek aurat kaa dard kyaa jaano

— Syeda Arshia Haq

to kyaa huaa jo janmi thi pardes mein kabhi
beTi hai 'arshiya' bhi to hindostaan ki

— Syeda Arshia Haq

tumhaaraa roz jo main sarf karti rahti huun
tumhein gumaan na ho tum miri mohabbat ho

— Syeda Arshia Haq

khabar kar de koi us be-khabar ko
miri haalat bigaDti jaa rahi hai

— Syeda Arshia Haq

'arshiyaa-haq' ke parastaaron mein ho
tum bhi kaafir ho gunahgaaron mein ho

— Syeda Arshia Haq

main khud pe zabt khoti jaa rahi huun
judaai kyaa sitam-aalud shai hai

— Syeda Arshia Haq

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

intihaa ke qarib hai duniyaa
aadmi aakhiri sadi kaa huun

— Zubair Khayali

husn jalva dikhaa gayaa apnaa
ishq baiThaa rahaa udaas kahin

— Saifuddin Saif