khirad ke laakh qaasid hain to honge — Tahir Adeem

hain dastaras mein abhi bhi 'taahir' uThaa ke ab is ko pi bhi Daalo
mushaahidon mein hi ho gai gar ye ThanDi chaae to kyaa karoge

har ek rasta-e-paayaab se nikalnaa hai
saraab-e-umr ke har baab se nikalnaa hai

faqat tum hi nahin naaraaz mujh se jaan-e-jaanaan
mire andar kaa insaan tak khafaa hai intihaa hai

mujhe vo chhoD kar jab se gayaa hai intihaa hai
rag-o-pai mein fazaa-e-karbalaa hai intihaa hai

rang kyaa ajab diyaa meri bevafaai ko
us ne yuun kiyaa ki mere khat jalaae uud mein

havaadis bhi vahin ham bhi vahin hain
magar ab chashm-e-tar koi nahin hai