rang kyaa ajab diyaa meri bevafaai ko — Tahir Adeem

hain dastaras mein abhi bhi 'taahir' uThaa ke ab is ko pi bhi Daalo
mushaahidon mein hi ho gai gar ye ThanDi chaae to kyaa karoge

har ek rasta-e-paayaab se nikalnaa hai
saraab-e-umr ke har baab se nikalnaa hai

faqat tum hi nahin naaraaz mujh se jaan-e-jaanaan
mire andar kaa insaan tak khafaa hai intihaa hai

mujhe vo chhoD kar jab se gayaa hai intihaa hai
rag-o-pai mein fazaa-e-karbalaa hai intihaa hai

khirad ke laakh qaasid hain to honge
junun kaa naama-bar koi nahin hai

havaadis bhi vahin ham bhi vahin hain
magar ab chashm-e-tar koi nahin hai

dil ke aaine mein jab aap ki surat dekhi
jis ko dhokaa main samajhtaa thaa vo dhokaa bhi gayaa

chaman ke rang-o-bu ne is qadar dhokaa diyaa mujh ko
ki main ne shauq-e-gul-bosi mein kaanTon par zabaan rakh di

mohabbat ki bhi to ik bevafaa se
ye qatl-e-khud nahin to aur kyaa hai

shauq chaDhti dhuup jaataa vaqt ghaTti chhaanv hai
baa-vafaa jo aaj hain kal be-vafaa ho jaaeinge

haan vo nahin khudaa-parast jaao vo bevafaa sahi
jis ko ho diin o dil aziiz us ki gali mein jaae kyuun

ik bevafaa ke pyaar mein had se guzar gae
kaafir ke pyaar ne hamein kaafir banaa diyaa