tire khayaal ki lau hi safar mein kaam aai — Tariq Naeem

vo aaina hai to hairat kisi jamaal ki ho
jo sang hai to kahin rahguzar mein rakkhaa jaae

ye viraani si yunhi to nahin rahti hai aankhon mein
mire dil hi se koi jaada-e-vahshat nikaltaa hai

raat ro ro ke guzaari hai charaaghon ki tarah
tab kahin harf mein taasir nazar aai hai

khush-arzaani hui hai is qadar baazaar-e-hasti mein
giraan jis ko samajhtaa huun vo kam-qimat nikaltaa hai

ajiib dard kaa rishta thaa sab ke sab roe
shajar giraa to parinde tamaam shab roe

abhi to mansab-e-hasti se main haTaa hi nahin
badal gae hain mire doston ke lahje bhi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

safar mein aise kai marhale bhi aate hain
har ek moD pe kuchh log chhuT jaate hain

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe