koi aur tarz-e-sitam sochiye — Unknown

idhar se taqaazaa udhar se taghaaful
ajab khinchaa-taani mein paighaam-bar hai

ehsaas baDhaa detaa hai har dard ki shiddat
mahsus karoge to kasak aur baDhegi

siine mein aabaad hamesha rahti hai
pahli mohabbat yaad hamesha rahti hai

jab tak bikaa na thaa to koi puchhtaa na thaa
tu ne kharid kar mujhe anmol kar diyaa

guzar to jaaegi tere baghair bhi lekin
bahut udaas bahut be-qaraar guzregi

gumaan kis par karein suufi idhar hai us taraf vaaiz
khudaa rakkhe mohalle mein sabhi allaah vaale hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ye ham jo peT se hi sochte hain shaam o sahar
kabhi to jaaeinge is daal-bhaat se aage

vatan ki fikr kar naadaan musibat aane vaali hai
tiri barbaadiyon ke mashvare hain aasmaanon mein

qatra apnaa bhi haqiqat mein hai dariyaa lekin
ham ko taqlid-e-tunuk-zarfi-e-mansur nahin

sunaa hai vo mire baare mein sochtaa hai bahut
khabar to hai hi magar mo'tabar zyaada nahin

zamaana aql ko samjhaa huaa hai mishal-e-raah
kise khabar ki junun bhi hai saahib-e-idraak