'vahshat' sukhan o lutf-e-sukhan aur hi shai hai — Wahshat Raza Ali Kalkatvi

zaalim ki to aadat hai sataataa hi rahegaa
apni bhi tabiat hai bahalti hi rahegi

kis tarah husn-e-zabaan ki ho taraqqi 'vahshat'
main agar khidmat-e-urdu-e-muallaa na karun

abhi hote agar duniyaa mein 'daagh'-e-dehlavi zinda
to vo sab ko bataa dete hai 'vahshat' ki zabaan kaisi

qadrdaani ki kaifiyat maalum
aib kyaa hai agar hunar na huaa

dil ko ham kab tak bachaae rakhte har aaseb se
Thes aakhir lag gai shishe mein baal aa hi gayaa

thaa qafas kaa khayaal daaman-gir
uD sake ham na baal o par le kar

jab ki pahlu se yaar uThtaa hai
dard be-ikhtiyaar uThtaa hai

ajab taqaazaa hai mujh se judaa na hone kaa
ki jaise kaun-o-makaan mere ikhtiyaar mein hai

mohabbaton ke kai rang ruup hote hain
fareb-e-yaar se koi gila nahin karte

mujhe to kal bhi na thaa un par ikhtiyaar koi
aur un ko mujh pe vahi ikhtiyaar aaj bhi hai

ishq mein fikr to divaana banaa deti hai
pyaar ko aql nahin dil ki panaahon mein rakho

jin hauslon se meraa junun mutmain na thaa
vo hausle zamaane ke meyaar ho gae