jaane kyaa baat hai puure hi nahin hote hain — Zakariya Shaz

kuchh bhi dekhaa nahin thaa main ne jab
har nazaara thaa meri aankhon mein

ai gardish-e-ayyaam hamein ranj bahut hai
kuchh khvaab the aaise ki bikharne ke nahin the

taalluq hi nahin hai jin se meraa
main un khadshaat mein rakkhaa huaa huun

dukh na sahne ki sazaaon mein ghiraa rahtaa hai
shahr kaa shahr duaaon mein ghiraa rahtaa hai

ye alag baat ki chalte rahe sab se aage
varna dekhaa hi nahin teri talab se aage

jab bhi ghar ke andar dekhne lagtaa huun
khiDki khol ke baahar dekhne lagtaa huun

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ik tum ki dil mein dard kisi ghair ke liye
ik ham ki dard ban gae khud aap ke liye

husn ki devi bani baiThi hain dil hai but-kada
chand muslim laDkiyon ne ham ko hindu kar diyaa

magar is khaamushi se ahl-e-dil kaa kuchh bharam to hai
jo kuchh kahiye to saari umr ki mahrumiyaan kahiye

taskin-e-dil-e-mahzun na hui vo sai-e-karam farmaa bhi gae
is sai-e-karam ko kyaa kahiye bahlaa bhi gae taDpaa bhi gae