ham ki rakhte hain aasmaan ki talab — Zyesha Usmaan

baDi viraani hai dil ke shajar par
mohabbat ke parinde uD gae kyaa

— Zyesha Usmaan

har baat dil ki lab pe nahin laanaa laazmi
kuchh guftugu mein bhi adab aadaab chaahiye

— Zyesha Usmaan

bujhne nahin diyaa ise furqat ke baa'd bhi
yaadon se teri dil ko farozaan rakhaa sadaa

— Zyesha Usmaan

log aaeinge bahut chhoD ke jaaeinge bahut
har kisi ko na kaleje se lagaa kar rakhiye

— Zyesha Usmaan

muflisi paanv ki zanjir thi aur
ru-ba-ru aa ke zarurat Thahri

— Zyesha Usmaan

kaisaa ye marhala hai ki ik dusre se ham
kahne ko aashnaa hain magar aashnaa nahin

— Zyesha Usmaan

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

kyaa karishma hai mire jazba-e-aazaadi kaa
thi jo divaar kabhi ab hai vo dar ki surat

— Akhtar Ansari Akbarabadi

zinda rahne kaa haq milegaa use
jis mein marne kaa hausla hogaa

— Sarfaraz Abad

al-madad ai jazba-e-zauq-e-mohabbat al-madad
ishq ne aavaaz di be-ikhtiyaaraana mujhe

— Sohail Azeemabadi

tamaam umr azaabon kaa silsila to rahaa
ye kam nahin hamein jiine kaa hausla to rahaa

— Jan Nisar Akhtar

dasht-e-junun ki khaak uDaane vaalon ki himmat dekho
TuuT chuke hain andar se lekin man-maani baaqi hai

— Kumar Pashi