kyaa karishma hai mire jazba-e-aazaadi kaa — Akhtar Ansari Akbarabadi

abhi bahaar ne sikhi kahaan hai dil-jui
hazaar daagh abhi qalb-e-laala-zaar mein hain

zulm sahte rahe shukr karte rahe aai lab tak na ye daastaan aaj tak
mujh ko hairat rahi anjuman mein tiri kyuun hain khaamosh ahl-e-zabaan aaj tak

dushmani ko buraa na kah ai dost
dekh kyaa dosti hai ghaur se dekh

ajiib bhul-bhulayyaan hai shaahraah-e-hayat
bhaTakne vaale yahaan justuju ki baat na kar

ik husn-e-mukammal hai to ik ishq-saraapaa
hoshyaar saa ik shakhs hai divaana saa ik shakhs

kuchh andhere hain abhi raah mein haail 'akhtar'
apni manzil pe nazar aaegaa insaan ik roz

aziiz gar thaa ta'alluq to kis liye toDaa
jab ikhtilaaf kiyaa to mufaahamat kaisi

ghurur-e-husn na kar jazba-e-zulekhaa dekh
kiyaa hai ishq ne yusuf ghulaam aashiq kaa

hamaari baat kaaTi jaa rahi hai
kisi kaa hausla baDhtaa rahaa hai

ise bhi 'zafar' meri himmat hi samjho
kahin ho na paayaa kahin ho gayaa huun

main aandhiyon ke paas talaash-e-sabaa mein huun
tum mujh se puchhte ho miraa hausla hai kyaa

kuchh kaTi himmat-e-savaal mein umr
kuchh umid-e-javaab mein guzri