Sher

kyon tasavvur men ji raha huun main

jab haqiqat men mar hi jaana hai

Thiik aa.i tan pe apne qaba-e-barahnagi

baani libas chhoTe hue ya baDe hue

apne hain sab paraya koi nahin

par mire dukh men aaya koi nahin

apni gharaz ke aage sada-e-zamir kya

saare takallufat ko nilam kijiye

jaane kis kirdar ki kaa.i mere ghar men aa pahunchi

ab to 'zafar' chalna hai mushkil angan ki chikna.i men

mohabbat, hijr, nafrat mil chuki hai

main taqriban mukammal ho chuka huun

bas ik khana-badoshi hai ki ab tak saath hai apne

ta.ayyush hai tasavvur men bhi ab koi makan rakhna

ek din donon ne apni haar maani ek saath

ek din jis se jhagaDte the usi ke ho ga.e

zara parda haTa do samne se bijliyan chamken

mira dil jalva-gah-e-tur ban jaa.e to achchha ho

us ke munh pe mukar gaya tha dil

aaj had se guzar gaya tha dil

yahan ham ne kisi se dil lagaya hi nahin 'manzar'

ki is duniya se akhir ek din be-zar hona tha

aur koi pahchan miri banti hi nahin

jante hain sab log ki bas tera huun main

nuuh baiThe hain charpa.i par

charpa.i pe nuuh baiThe hain

misl-e-mausam jo badalte to koi baat na thi

tu ne to badla hai girgiT ki tarah rang apna

kyuun batata nahin koi kuchh bhi

akhir aisa bhi kya hua hai mujhe

log kahte hain mohabbat men asar hota hai

kaun se shahr men hota hai kidhar hota hai

tujh se hijab kya magar ai ham-nashin na puchh

us dard-e-hijr ko jo shab-e-gham uTha nahin

qaazi ko jo rind kuchh chaTa den

masjid ki baghal men mai-kada ho

tuDa-muDa hai magar khuda hai

ise to sahib sambhal rakhiye

zindagi yuun bhi guzar hi jaati

kyuun tira rahguzar yaad aaya

har ik jagah tiri barq-e-nigah dauD ga.i

gharaz ye hai ki kisi chiiz ko qarar na ho

main to hairan huun matab hai ki dar-e-yar hai ye

yaan to bimar pe bimar chale aate hain

tiri zamin pe karta raha huun mazduri

hai sukhne ko pasina muavza hai kahan

har taraf hain khana-barbadi ke manzar be-shumar

kuchh Thikana hai bhala is jazba-e-tamir ka