kyon tasavvur men ji raha huun main
jab haqiqat men mar hi jaana hai

Divyansh Rawat

Thiik aa.i tan pe apne qaba-e-barahnagi
baani libas chhoTe hue ya baDe hue

Haidar Ali Aatish

apne hain sab paraya koi nahin
par mire dukh men aaya koi nahin

Divyansh Rawat

jaane kis kirdar ki kaa.i mere ghar men aa pahunchi
ab to 'zafar' chalna hai mushkil angan ki chikna.i men

Zafar Hameedi

apni gharaz ke aage sada-e-zamir kya
saare takallufat ko nilam kijiye

Asrar Jamayee

har taraf hain khana-barbadi ke manzar be-shumar
kuchh Thikana hai bhala is jazba-e-tamir ka

Haneef Akhgar

mohabbat, hijr, nafrat mil chuki hai
main taqriban mukammal ho chuka huun

Nadeem Bhabha

bas ik khana-badoshi hai ki ab tak saath hai apne
ta.ayyush hai tasavvur men bhi ab koi makan rakhna

Abdullah Kamal

ek din donon ne apni haar maani ek saath
ek din jis se jhagaDte the usi ke ho ga.e

Nomaan Shauque

zara parda haTa do samne se bijliyan chamken
mira dil jalva-gah-e-tur ban jaa.e to achchha ho

Ali Zaheer Rizvi Lakhnavi

us ke munh pe mukar gaya tha dil
aaj had se guzar gaya tha dil

Divyansh Rawat

yahan ham ne kisi se dil lagaya hi nahin 'manzar'
ki is duniya se akhir ek din be-zar hona tha

Umair Manzar

aur koi pahchan miri banti hi nahin
jante hain sab log ki bas tera huun main

Nadeem Bhabha

nuuh baiThe hain charpa.i par
charpa.i pe nuuh baiThe hain

Nooh Narvi

misl-e-mausam jo badalte to koi baat na thi
tu ne to badla hai girgiT ki tarah rang apna

Manzar Suhai

kyuun batata nahin koi kuchh bhi
akhir aisa bhi kya hua hai mujhe

Alok Mishra

log kahte hain mohabbat men asar hota hai
kaun se shahr men hota hai kidhar hota hai

Mushafi Ghulam Hamdani

tujh se hijab kya magar ai ham-nashin na puchh
us dard-e-hijr ko jo shab-e-gham uTha nahin

Firaq Gorakhpuri

qaazi ko jo rind kuchh chaTa den
masjid ki baghal men mai-kada ho

tuDa-muDa hai magar khuda hai
ise to sahib sambhal rakhiye

Mohammad Alvi