Aqeel Danish

kitne savaal sab ki nigaahon mein rakh diye

کتنے سوال سب کی نگاہوں میں رکھ دیئے گھر کے سبھی چراغ ہواؤں میں رکھ دیئے یہ انقلاب گردش دوراں تو دیکھیے اجسام کیسے کیسی قباؤں میں رکھ دیئے محفل میں شعر ہی نہیں کچھ روشنی بہ دوش انوار ہم نے دل کی فضاؤں میں رکھ دیئے ہر شخص چاہتا ہے کہ ہوں اس پہ آشکار اسرار تو نے کیسے گناہوں میں رکھ دیئے فطرت کا یہ ستم بھی ہے دانشؔ عجیب چیز سر کیسے کیسے کیسی کلاہوں میں رکھ دیئے

is mariz-e-gham-e-ghurbat ko sambhaalaa de do

اس مریض غم غربت کو سنبھالا دے دو ذہن تاریک کو یادوں کا اجالا دے دو ہم ہیں وہ لوگ کہ بے قوم وطن کہلائے ہم کو جینے کے لئے کوئی حوالہ دے دو میں بھی سچ کہتا ہوں اس جرم میں دنیا والو میرے ہاتھوں میں بھی اک زہر کا پیالہ دے دو اب بھی کچھ لوگ محبت پہ یقیں رکھتے ہیں ہو جو ممکن تو انہیں دیس نکالا دے دو وہ نرالے ہیں کرو ذکر تم ان کا دانشؔ اپنی غزلوں کو بھی انداز نرالا دے دو