Habeeb Hashmi

na main khasta-haal hotaa na ye ajnabi se lagte
ye hasin hasin farishte mujhe aadmi se lagte

har shab-e-gham ki sahar ho ye zaruri hai magar
sab ki taabinda sahar ho ye zaruri to nahin

safar ki aakhiri manzil mein paas aayaa hai
tamaam umr thaa jo duur aasmaan ki tarah

sarhad-e-dasht se aabaadi ko jaane vaalo
shahar mein aur bhi khun-rez nazaare honge

shab ki tanhaai mein ubhri hui aavaaz-e-jaras
subh-gaai kaa gajar ho ye zaruri to nahin