نشے میں یہ کیا سمجھ لیا تھا خدا کو بندہ سمجھ لیا تھا ذرا سی چپ تھی اسی کو تم نے نہ جانے کیا کیا سمجھ لیا تھا حسیں تھا وہ اس قدر کہ ہم نے نظر کا دھوکا سمجھ لیا تھا میں ایسا پاگل دیا تھا جس نے ہوا کو اپنا سمجھ لیا تھا ہم اس کے دل تک پہنچتے کیسے بدن کو راستہ سمجھ لیا تھا اسے یوں چھوڑا کہ اس نے ہم کو بہت زیادہ سمجھ لیا تھا ہم اپنی غلطی سے بک گئے ہیں تمہیں زلیخا سمجھ لیا تھا ہماری سادہ دلی تو دیکھو خدا کو اپنا سمجھ لیا تھا ملن جدائی تڑپ اداسی یہ کھیل سارا سمجھ لیا تھا تمہاری آنکھیں سمجھ نہ پائے ہر اک معمہ سمجھ لیا تھا لب اس نے کھولے نہیں تھے پھر بھی جواب اس کا سمجھ لیا تھا وہ آنکھیں کعبہ صفت تھی جن کو شراب خانہ سمجھ لیا تھا

nashe mein ye kyaa samajh liyaa thaa

غزل · Ghazal

تو نہیں ہوگا مگر یہ سلسلا رہ جائے گا تیرے ہونے کا تصور جا بہ جا رہ جائے گا قربتوں کی راہ سے ہو کر گزر جائیں گے ہم منزلوں پر درمیاں بس فاصلہ رہ جائے گا کس نے سوچا تھا کہ یہ اتنا حسیں اک واقعہ ایک دن سینے میں بن کر حادثہ رہ جائے گا راہ دل کو روند کر آگے نکل جائیں گے لوگ آنکھ میں اٹھتا غبار قافلہ رہ جائے گا میں کہیں کھو جاؤں گا لے کر نگاہ شوق دید تو چراغ حسن لے کر ڈھونڈھتا رہ جائے گا کیا یوں ہی خاموش دنیا سے گزر جائیں گے ہم کیا جو کہنا ہے وہ سب کچھ ان کہا رہ جائے گا جب کہیں کچھ بھی نہیں تھا بس خدا تھا اور پھر جب کہیں کچھ بھی نہ ہوگا بس خدا رہ جائے گا

tu nahin hogaa magar ye silsilaa rah jaaegaa

غزل · Ghazal

دل شکستہ کی نیم جاں خواہشوں کو جینا سکھا رہی ہے نگاہ افسوں بیان اس کی بتوں سے سجدہ کرا رہی ہے یہ پھول خوشبو یہ چاند تارے یہ گرتی بوندیں یہ ابر پارے سب اس کی آمد کے منتظر ہیں وہ خود کو سب سے چھپا رہی ہے یہ چاندنی میں نہایا دریا یہ محفل شب بھی خوب لیکن میں چاند پر جا رہا ہوں مجھ کو وہ اک ضعیفہ بلا رہی ہے جو ریگ دل پہ لکھا ہے اس کو دکھوں کا پانی مٹا نہ ڈالے میں خواب دیکھے ہی جا رہا ہوں یہ آنکھ برسے ہی جا رہی ہے کبھی خموشی کبھی تبسم کبھی خیالوں کی دھند میں گم مری اداسی تو ہر قدم پر قبا بدلتی ہی جا رہی ہے وہ خوش بیاں امتیازؔ وہ لفظ لفظ جادو چلانے والا وہ کل ملا تھا تو کہہ رہا تھا خموشی اندر سے کھا رہی ہے

dil-e-shikasta ki nim-jaan khvaahishon ko jiinaa sikhaa rahi hai

غزل · Ghazal

دل خواب میں یہ دیکھ کے غمگین رہا ہے میں تیرا ہوں اور کوئی مجھے چھین رہا ہے پھر تو مرے دل کو ملا ایمان کی صورت برسوں مرا دل کافر و بے دین رہا ہے تا عمر وہی شخص رہا جی کی جلن بھی تا عمر وہی باعث تسکین رہا ہے اس شخص سے الگاؤ مجھے کفر ہے لوگو ایمان رہا ہے وہ مرا دین رہا ہے اے دل نہ معافی نہ کوئی رحم کی امید اس بار ترا جرم ہی سنگین رہا ہے

dil khvaab mein ye dekh ke ghamgin rahaa hai

غزل · Ghazal

ہمیں پر دھوپ برساتا ہے سورج بھی مقدر بھی درخت مہرباں کوئی کرے سایہ تو ہم پر بھی عیاں ہوتی چلی جاتی ہیں سب چہرے کی تحریریں ہوئی جاتی ہے نا کافی خموشی کی یہ چادر بھی بدن کی روشنی میں جو نہ دیکھا جا سکا ہم سے اسی شیشے کے پیکر میں دھڑکتا تھا وہ پتھر بھی حقیقت سے تصور تک سفر مجھ میں کیا اس نے مگر مجھ تک نہیں پہنچا وہ اتنی دور چل کر بھی کوئی موسیٰ و عیسیٰ و محمد اب نہ آئے گا ہمارے ناتواں شانوں پہ ہے کار پیمبر بھی

hamin par dhuup barsaataa hai suraj bhi muqaddar bhi

غزل · Ghazal

تاراج خواہشوں کا مداوا نہ ہو سکا کوئی ہمارے واسطے عیسیٰ نہ ہو سکا اتنی شدید دھوپ تھی مجھ پہ کہ عمر بھر ابر و درخت سے کبھی سایہ نہ ہو سکا نیندوں میں چھوڑ کر ہمیں آگے نکل گیا ہم سے اس ایک خواب کا پیچھا نہ ہو سکا گزرے پھر ایک بار تو دونوں کے درمیاں وہ واقعہ جو طور پہ پورا نہ ہو سکا دہکان غم نے خون سے سینچی زمین دل لیکن یہ دشت دشت تھا سبزہ نہ ہو سکا

taaraaj khvaahishon kaa mudaavaa na ho sakaa

See all 15 Ghazals →

Similar Poets