کم بھی تھے اگر فن کے خریدار بہت تھے بکنے پر اتر آتے تو بازار بہت تھے پھر بھی نہ کھلی آنکھ تو کیا کیجئے ورنہ احباب کے جھٹکے ہمیں دو چار بہت تھے دن نکلا بہتر کے سوا کوئی نہیں تھا کل رات تو سر دینے کو تیار بہت تھے لگنے نہ دیا جوہر ذاتی کو کبھی زنگ ٹوٹے ہوئے آئینے تھے خوددار بہت تھے اک حوصلہ تھا جس نے رکھا ہم کو سلامت حالات وہاں ورنہ دل آزار بہت تھے کردار کا شہکار وہاں کوئی نہیں تھا محفل میں تری غازیٔ گفتار بہت تھے اے خضرؔ کہاں غالبؔ و ناطقؔ کہاں ہم تم دریا تھے وہ ایسے جو گہر بار بہت تھے

kam bhi the agar fan ke kharidaar bahut the

غزل · Ghazal

دل نشیں ہے نقش تیری شوخیٔ تحریر کا مٹنا تو انجام ہے ہر پیکر تصویر کا زور وحشت ہو گیا رسوا سر صحرائے شوق ہنس رہا ہے مجھ پہ ہر حلقہ مری زنجیر کا دیکھ کر مجھ کو مقابل دیکھ کر اپنا حریف دیکھ لے وہ اڑ گیا پانی تری شمشیر کا ہر شکن بستر کی ہے آئینہ دار کیفیت رات بھر جھگڑا رہا تقدیر سے تدبیر کا اپنی بربادی پہ خوش ہونے کا کچھ سامان کر کوئی پہلو ڈھونڈ لے تخریب میں تعمیر کا یاد آئے گا خدا اس کو مرے مرنے کے بعد میں تو ایماں لے کے ڈوبوں گا بت بے پیر کا شاعری طرز سخن میں خضرؔ کچھ آساں نہیں شعر کہہ لینا بھی تو لانا ہے جوئے شیر کا

dil-nashin hai naqsh teri shokhi-e-tahrir kaa

غزل · Ghazal

سینوں میں انا الحق کی چبھن دیکھ رہا ہوں اک سلسلۂ دار و رسن دیکھ رہا ہوں پھر آئی نہ ہو شامت اعمال کسی کی پھر وقت کے ماتھے پہ شکن دیکھ رہا ہوں تھوڑی سی بھی دنیا میں شرافت نہیں باقی مدت سے زمانے کا چلن دیکھ رہا ہوں رہنے دو یہ سب جھوٹی محبت کے تماشے کس کو ہے یہاں کس کی لگن دیکھ رہا ہوں پردا نہیں دنیا میں کسی کو بھی کسی کی ہر شخص کو اپنے ہی مگن دیکھ رہا ہوں اک آگ لگا دی مری رنگینیٔ دل نے میں داغ محبت کی جلن دیکھ رہا ہوں تقریر کے انداز تمہیں خضرؔ مبارک کس سمت کو ہے روئے سخن دیکھ رہا ہوں

sinon mein anal-haq ki chubhan dekh rahaa huun

غزل · Ghazal

نہیں ہے کوئی چمن قلب داغ دار کے بعد یہاں خزاں نہیں آتی کبھی بہار کے بعد بہار پر تھا چمن تھا چمن میں جوش بہار بہار کے یہ کرشمے تھے اور بہار کے بعد سکوں بدوش گھڑی دو ہی گزری ہیں مجھ پر اک انتظار سے پہلے اک انتظار کے بعد ستا لے رندوں کو واعظ ستا لے جی بھر کے رہے گا تو نہ کہیں کا خدا کی مار کے بعد کچھ اور جوش میں لاتا ہے اس کی رحمت کو گناہ گار کا آنا گناہ گار کے بعد لطافتوں نے بھی زخموں پہ میرے چھڑکا نمک بتایا رنگ ہر اک گل نے مجھ کو خار کے بعد چھپائے بیٹھے تھے رسوائیوں میں راز خودی ہم آئے سامنے خضرؔ امتحان دار کے بعد

nahin hai koi chaman qalb-e-daagh-daar ke baad

غزل · Ghazal

عشرت کی حقیقت کیا ہستی کی مصیبت کیا میرے لئے دنیا میں اب رنج کیا راحت کیا اف وسعت صحرائے ہستی کی یہ کوتاہی سب قیدئ زنداں ہیں میں کیا مری وحشت کیا روؤں تو سکوں پائے تڑپوں تو مزا آئے پائی ہے مقدر سے ظالم نے طبیعت کیا کس حال میں ہونا تھا کس حال کو جا پہنچی ہے جنس وفا تیری بازار میں قیمت کیا جب خود کو مٹا ڈالا گھر بار لٹا ڈالا جب جا کے یہ جانا ہے ہوتی ہے مروت کیا آنکھوں سے ٹپک جائے یا خاک میں مل جائے دل کیوں رہے سینے میں اب اس کی ضرورت کیا اے خضرؔ دھڑکتا ہے دل کیوں مرا رہ رہ کر حیراں ہوں بتاؤں بھی اس بات کی بابت کیا

ishrat ki haqiqat kyaa hasti ki musibat kyaa

غزل · Ghazal

دل جو بیٹھا تو اضطراب اٹھا بزم جاناں اب انقلاب اٹھا آج واعظ سے بات کرنی ہے ساقیا چل ذرا شراب اٹھا قابلیت کا رعب ڈالنے کو کوئی موٹی سی اک کتاب اٹھا راہ چلتے پڑے بھی ملتے ہیں کھلی آنکھوں سے کوئی خواب اٹھا رنج اٹھانے کی ان سے ٹھہری تھی یہ کہاں سے دل خراب اٹھا کیا چراغوں کو لے کے بیٹھا ہے آ مرے ساتھ آفتاب اٹھا خضرؔ مے نوش میکدہ میں جھوٹ چل قسم کھا اٹھا شراب اٹھا

dil jo baiThaa to iztiraab uThaa

See all 8 Ghazals →

Similar Poets