اشک چشم بت بے جاں سے نکل سکتا ہے آہ پر سوز سے پتھر بھی پگھل سکتا ہے اپنے انداز تکلم کو بدل دے ورنہ میرا لہجہ بھی ترے ساتھ بدل سکتا ہے لوگ کہتے تھے کہ پھلتا نہیں نفرت کا شجر ہم کو لگتا ہے کہ اس دور میں پھل سکتا ہے میرے سینے میں محبت کی تپش باقی ہے میری سانسوں سے ترا حسن پگھل سکتا ہے چاند کی چاہ میں اڑتے ہوئے پنچھی کی طرح دل بھی ناداں ہے کسی شے پہ مچل سکتا ہے جذبۂ عشق سے روشن ہے مرا دل ناظمؔ یہ دیا تیز ہواؤں میں بھی جل سکتا ہے

غزل · Ghazal

sunaa di kis ne rudaad-e-gham-e-dil kohsaaron ko

سنا دی کس نے روداد غم دل کوہساروں کو میں اکثر سوچتا ہوں دیکھ کر ان آبشاروں کو گئے موسم کا اک پیلا سا پتا شاخ پر رہ کر نہ جانے کیا بتانا چاہتا ہے ان بہاروں کو چلے آؤ نہ روکے گا غبار راہ اب تم کو کہ پر نم کر دیا اشکوں سے میں نے رہ گزاروں کو سمجھ پائے ہیں ان کو اور نہ سمجھیں گے خرد والے دل عاشق سمجھ لیتا ہے جن مبہم اشاروں کو خبر نامے کی سرخی میں انہیں کا ذکر تھا ناظمؔ بتائے تھے جو میں نے راز اپنے راز داروں کو

غزل · Ghazal

kyaa hai mere dil ki haalat vaaqai kaise kahun

کیا ہے میرے دل کی حالت واقعی کیسے کہوں کیوں ہے میری آنکھ میں اتنی نمی کیسے کہوں میری اک اک سانس پہ حق ہے مرے اللہ کا میں بھلا اس زندگی کو آپ کی کیسے کہوں کون ہے میرا مخالف کس نے کی ہے مخبری جانتا ہوں میں بتاؤں گا ابھی کیسے کہوں شاعری تو واردات قلب کی روداد ہے قافیہ پیمائی کو میں شاعری کیسے کہوں یہ جو میرے گھر کے جلنے سے ہوئی ہے چار سو لوگ کہتے ہیں کہیں میں روشنی کیسے کہوں سامنے آیا تو ناظمؔ اس نے پہچانا نہیں فیس بک کی دوستی کو دوستی کیسے کہوں

Similar Poets