Raunaq Naeem

in darakhton se bhi naata joDiye
jin darakhton kaa koi saaya nahin

saikDon pul bane faasle bhi miTe
aadmi aadmi se judaa hi rahaa

behtar hai ab duur raho tum Tesu ke in phulon se
shokh bahut hai in ki surkhi aaina dikhlaae to

gali gali mein takalluf ki dhuul hoti hai
ab apnaa shahar bhi lagtaa hai ajnabi ki tarah

haalaat-e-khun-aashaam se ghaafil nahin lekin
ai zulm tire haath pe baiat nahin karte