Tanveer Samani

farzi qisson jhuTi baaton se akasr
sachchaai ke qad ko naapaa kartaa huun

gharon mein qaid hain basti ke shorafaa
saDak par hain fasaadi aur ghunDe

apni surat bhi kab apni lagti hai
aainon mein khud ko dekhaa kartaa huun

fikr ki aanch mein pighle to ye maalum huaa
kitne pardon mein chhupi zaat ki sachchaai hai

kyuun na 'tanvir' phir izhaar ki jurat kiije
khaamushi bhi to yahaan baais-e-rusvaai hai

apne kaandhe pe liye phirti hai ehsaas kaa bojh
zindagi kyaa kisi maqtal ki tamannaai hai