apne kaandhe pe liye phirti hai ehsaas kaa bojh — Tanveer Samani

farzi qisson jhuTi baaton se akasr
sachchaai ke qad ko naapaa kartaa huun

gharon mein qaid hain basti ke shorafaa
saDak par hain fasaadi aur ghunDe

kyuun na 'tanvir' phir izhaar ki jurat kiije
khaamushi bhi to yahaan baais-e-rusvaai hai

apni surat bhi kab apni lagti hai
aainon mein khud ko dekhaa kartaa huun

fikr ki aanch mein pighle to ye maalum huaa
kitne pardon mein chhupi zaat ki sachchaai hai

kam-umri mein sunet hain
mar jaate hain achchhe log

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

zindagi ke bahut qarib na jaa
faasla kuchh to apne dhyaan mein rakh