Tauqeer Taqi

"jaise viran haveli men hon khamosh charagh ab guzarti hain tire shahr men shamen aisi"

"sabz peDon ko pata tak nahin chalta shayad zard patte bhare manzar se nikal jaate hain"

"ab zamane men mohabbat hai tamashe ki tarah is tamashe se bahalta nahin tu bhi main bhi"

"kal jahan divar hi divar thi ab vahan dar hai jabin hai ishq hai"

"lafz ki qaid se riha ho ja aa miri aankh se ada ho ja"

"phenk de khushk phuul yadon ke zid na kar tu bhi be-vafa ho ja"

daaman bachaa rahe the ki chehra bhi jal gayaa
kis aag se guzar ke tiri raushni mein aae

hijr thaa baar-e-amaanat ki tarah
so ye gham aakhiri hichki se uThaa

badan mein dil thaa muallaq khalaa mein nazrein thiin
magar kahin kahin siine mein dard zinda thaa

in sulagti hui saanson ko nahin dekhte log
aur samajhte hain ki jaltaa nahin tu bhi main bhi

kal jahaan divaar hi divaar thi
ab vahaan dar hai jabin hai ishq hai

lafz ki qaid se rihaa ho jaa
aa miri aankh se adaa ho jaa