Zareef Lakhnavi

"ilm men jhingur se baDh kar kamran koi nahin chaaT jaata hai kitaben imtihan koi nahin"

"chaa.e men Daal kar ushshaq use pi jaate dar-haqiqat lab-e-ma.ashuq jo shakkar hota"

"vahshat men har ik naqsha ulTa nazar aata hai majnun nazar aati hai laila nazar aata hai"

"hamen batla na den ashiq jo hain ru-e-kitabi par sabaq hai kya koi ma.ashuq jis ko yaad karte hain"

"'zarif' ab fa.eda kya sha.iron ko sardi khane se ghazal ham paDh chuke ghar jaa.en kyuun be-kar baiThe hain"

"baaz aa.e mohabbat se ai ishq khuda hafiz ulfat men jise dekho andha nazar aata hai"

saakinaan-e-shahr ab hoshyaar honaa chaahiye
member aur voter kaa kuchh meaar honaa chaahiye

hamein batlaa na dein aashiq jo hain ru-e-kitaabi par
sabaq hai kyaa koi maashuq jis ko yaad karte hain

ilm mein jhingur se baDh kar kaamraan koi nahin
chaaT jaataa hai kitaabein imtihaan koi nahin

chaae mein Daal kar ushshaaq use pi jaate
dar-haqiqat lab-e-maashuq jo shakkar hotaa

vahshat mein har ik naqsha ulTaa nazar aataa hai
majnun nazar aati hai lailaa nazar aataa hai

vo bhi gunge bane rahe ham bhi
guftugu qissa-mukhtasar na hui