Zia

mere taayaa se vo hain umr mein das saal baDi
ghar ke har fard pe dahshat hai miri taai ki

jaane kaa naam hi nahin letaa vo nek-bakht
''muddat hui hai yaar ko mehmaan kiye hue''

khush hote hain ham log agar koi hasina
is umr ham par koi tohmat hi lagaae

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

sar-e-bazm mujh ko uThaa diyaa mujhe maar maar liTaa diyaa
mujhe maartaa koi aur hai vale haanptaa koi aur hai

mujhe apni biivi pe fakhr hai mujhe apne saale pe naaz hai
nahin dosh donon kaa is mein kuchh mujhe DaanTtaa koi aur hai

vo bhari bazm mein kahti hai mujhe uncle-ji
diplomacy hai ye kaisi miri ham-saai ki

main jise hiir samajhtaa thaa vo raanjhaa niklaa
baat niyyat ki nahin baat hai binaai ki

tum ne to kahaa thaa ki chalo Duub marein ham
ab saahil-e-dariyaa pe khaDe karte ho Taa-Taa

kabhi likhne likhaane ki to naubat hi nahin aati
main naaDaa Daal letaa huun zarurat jab bhi paDti hai

kahte hain ki lailaa kaa ta'alluq thaa arab se
ye rang to africa o makraan mein dekhaa

doctor se main ilaaj-e-dil karaane jab gayaa
mashvara us ne diyaa tu sher kahnaa chhoD de