aankhon mein bas rahaa hai adaa ke baghair bhi — Hasan Naim

"khvaab ki raah mein aae na dar-o-baam kabhi is musaafir ne uThaayaa nahin aaraam kabhi rashk-e-mahtaab hai ik daagh-e-tamannaa kab se dil kaa nazzaara karo aa ke sar-e-shaam kabhi shab-ba-khair us ne kahaa thaa ki sitaare larze ham na bhuleinge judaai kaa vo hangaam kabhi sar-kashi apni hui kam na ummidein TuTin mujh se kuchh khush na gayaa mausam-e-aalaam kabhi ham se aavaaron ki sohbat mein hai vo lutf ki bas do ghaDi mil to sahi gardish-e-ayyaam kabhi ai sabaa main bhi thaa aashufta-saron mein yaktaa puchhnaa dilli ki galiyon se miraa naam kabhi nudrat-e-fikr ne gar saath jo chhoDaa to 'naim' apne sar leinge tatabbo kaa na ilzaam kabhi"

"dil mein ho aas to har kaam sambhal saktaa hai har andhere mein diyaa khvaab kaa jal saktaa hai ishq vo aag jo barson mein sulagti hai kabhi dil vo patthar jo kisi aan pighal saktaa hai har niraashaa hai liye haath mein aashaa bandhan kaun janjaal se duniyaa ke nikal saktaa hai jis ne saajan ke liye apne nagar ko chhoDaa sar uThaa kar vo kisi shahr mein chal saktaa hai meraa mahbub hai vo shakhs jo chaahe to 'naim' sukhi Daali ko bhi gulshan mein badal saktaa hai"

"shauq se 'ishq ke maraahil tak khuun rote hain hazrat-e-dil tak qatra-qatra safir-e-tufaan hai abr-e-baaraan se mauj-e-saahil tak sar pe saaya rahaa umidon kaa khaak uDti rahi manaazil tak tarz-e-fariyaad sher-o-naghma bhi sa’i-e-izhaar raqs-e-bismil tak ek duniyaa luTaa ke aaya huun apni manzil se teri manzil tak kyon charaaghaan 'na'im' karte ho kaun aaegaa khalvat-e-dil tak"

"subh-e-tarab to mast-o-ghazal-khvaan guzar gai shaam-e-alam jo aai to aa kar Thahar gai dekhaa kisi ne auj-e-tasavvur na auj-e-fan pinhaan thaa daagh-e-aib to sab ki nazar gai yaad-e-khudaa se baab-e-haram tak khulaa nahin yaad-e-butaan se dil pe qayaamat guzar gai taDpaa qafas mein kaun jo ai subh-e-nau-bahaar ru-e-gul-o-giyaah sabaa chashm-tar gai itnaa dil-e-'naim' ko viraan na kar hijaaz roegi mauj-e-gang jo us tak khabar gai"

"koh ke siine se aab-e-aatashin laataa koi is navaa-e-aagahi ko Duub kar gaataa koi dekhtaa masti kaa sangam lab hai yaa guftaar hai jaam se mere jo apnaa jaam Takraataa koi baadalon ki tarah aayaa barq-aasaa chal diyaa chaand ki maanind shab bhar to Thahar jaataa koi husn kaa dil se taalluq daaimi hai garm hai varna kis kaa kis se hai rishta koi naataa koi maangne ko maang lein ashaar-e-gham se dilkashi mil nahin saktaa hai un ko fikr saa daataa koi naazish-e-fardaa miraa husn-e-taghazzul hai 'hasan' ranj hotaa aaj gar kuchh qadr farmaataa koi"

"vo kaj-nigaah na vo kaj-shiaar hai tanhaa bas ik payambar-e-jannat-nisaar hai tanhaa na bulbulon ki azaan hai na titliyon kaa tavaaf abhi chaman mein gul-e-nau-bahaar hai tanhaa uThaae minnat-e-sarsar ki naaz-e-baad-e-nasim har ek haal mein sahraa shikaar hai tanhaa falak nujum se raushan zamin charaaghon se hujum-e-nur mein ik shaam-e-taar hai tanhaa jami hai bazm-e-masarrat ghazaal-chashmon se jise mili hai nazar ashk-baar hai tanhaa hamin ne khema-e-hijraan mein kaaT diin raatein hamin ko fikr thi behad ki yaar hai tanhaa chahal-pahal hai bahut yuun to mai-kade mein 'naim' miyaan-e-jaam-o-subu baada-khvaar hai tanhaa"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"